Masallıda yol qəzasında 1 nəfər ölüb, 3-ü xəsarət alıb - YENİLƏNİB

Ələt-Astara magistralının Masallı rayonu ərazisindən keçən hissəsində yol qəzası baş verib.

“Report”un Cənub Mərkəzinin məlumatına görə, iki minik avtomobilinin toqquşması zamanı 1969-cu il təvəllüdlü Vidadi Rüstəm oğlu Əzimov ölüb.

1975-ci il təvəllüdlü Masallı rayon sakini, Mürşüd Cümşüd oğlu Nəsirov və Lənkəran rayon sakinləri - 1978-ci il təvəllüdlü Aynur Vahab qızı Əzimli, 1996-cı il təvəllüdlü Nicat Vidadi oğlu Əzimli Masallı Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

*** 01:23

Masallı rayonunda ölümlə nəticələnən ağır yol-nqəliyyat hadisəsi baş verib. 

"Report"un Cənub bürosu xəbər verir ki, hadisə Ələt-Astara magistralının rayon ərazisindən keçən hissəsində qeydə alınıb. 

Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub. Onun meyiti müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Masallı rayon şöbəsinə təhvil verilib.