Lənkəran və Lerikdə zəlzələ olub

Lənkəran. 5 noyabr. REPORT.AZ/ Lənkəran rayonunda zəlzələ olub.

"Report"un Cənub bürosu xəbər verir ki, zəlzələ saat 10:07-də qeydə alınıb. Təxminən, 3 bala qədər olan zəlzələ zamanı dağıntı və tələfat qeydə alınmayıb. 

Lerik rayonunda da zəlzələ olub. Saat 10:11-də qeydə alınan zəlzələ zamanı dağıntı və tələfat qeydə alınmayıb. Lerik rayonunda zəlzələnin 3.5-4 bala qədər olduğu bildirilir.

AMEA-nın Respublika Seysmoloji Xidmət Mərkəzindən "Report"a verilən məlumata görə, noyabr ayının 5-i yerli vaxtla saat 10:05:51-də Lənkəran stansiyasından 16 km qərbdə Lerik ərazisində zəlzələ qeydə alınıb. Zəlzələ 3 bal hiss olunub. Yeraltı təkanlar yerin 9 km dərinliyində, 3,5 maqnituda gücündə baş verib.