Kliniki Tibbi Mərkəzdə elektrik enerjisinin kəsilməsinin səbəbi açıqlanıb

"Bu gün saat 11:30 radələrində Kliniki Tibbi Mərkəzi elektrik enerjisi ilə təmin edən yüksək gərgilikli hava xəttində açılma baş verib və elektrik enerjisi təxminən 10 dəqiqə sonra, saat 11:40-da tam bərpa olunub".

"Report" xəbər verir ki, bu barədə Kliniki Tibbi Mərkəzin İctimaiyyətlə əlaqələr bölməsinin müdiri Elnur Hidayətoğlu məlumat verib.

O qeyd edib ki, mərkəzin bütün şöbələrində və ya korpuslarında ümumiyyətlə elektrik enerjisinin olmaması ilə bağlı yayılan məlumatlar əsassızdır: "Kliniki Tibbi Mərkəzin ümumilikdə 5 ədəd elektrik generatoru var və həmin zaman onlardan yalnız biri işə düşməyib. Bu da Mərkəzin Poliklinika şöbəsinin işinə təsir edib. Ağır xəstələrin olduğu digər şöbə və bölmələrdə elektrik enerjisinin verlişində problem yaşanmayıb. Bir daha bildiririk ki, elektirk enerjisinin verlişində baş verən qısa fasiləli problem Kliniki Tibbi Mərkəzin fəaliyyətinə, mərkəzdə olan ağır xəstələrin vəziyyətinə heç bir təsir etməyib".