Kitabxanaçıya qarşı dələduzluq edən “Azərpoçt” əməkdaşının məhkəməsi başlayıb

Bakı Ağır Cinayətlər Məhkəməsində dələduzluqda təqsirləndirilən Gözəl Abasquliyevanın cinayət işi üzrə hazırlıq iclası keçirilib.

“Report” xəbər verir ki, hakim Rahib Salmanovun sədrlik etdiyi iclasda anket məlumatları dəqiqləşdirilib.

Baxış iclası fevralın 11-ə təyin edilib.

Qeyd edək ki, F.Abasquliyeva Mətanət Əyyubovaya qarşı külli miqdarda dələduzluq etməkdə təqsirləndirilir.

F.Abasquliyeva “Azərpoçt”un əməkdaşı olub, M.Əyyubova Azərbaycan Dövlət Pedaqoji Universitetində kitabxanada işləyib. Onlar birlikdə qızıl satışı ilə məşğul olublar.