Göygöldə avtomobillər toqquşub, ölən və xəsarət alan var

Bakı-Qazax magistral yolunun Göygöl rayonunun Quşqara kənd yaxınlığından keçən hissəsində ölümlə nəticələnən yol qəzası baş verib.

"Report"un Qərb bürosunun məlumatına görə, qəza zamanı iki avtomobil toqquşub.

Nəticədə 1985-ci il təvəllüdlü Elimxan Əfqan oğlu Şabanov aldığı xəsarətlərdən ölüb. Daha bir nəfər isə xəsarət alıb. Zərərçəkən xəstəxanaya yerləşdirilib.

Faktla bağlı araşdırma aparılır.