Göygöldə avtomobil qəzası olub, xəsarət alanlar var - YENİLƏNİB

Göygöldə yol-nəqliyyat hadisəsi zamanı xəsarət alanların şəxsiyyəti məlum olub.

"Report"un Qərb bürosunun məlumatına görə, "Mercedes" və "VAZ" markalı avtomobillərin toqquşması nəticəsində 1990-cı il təvəllüdlü S.Zeynalov, 2003-cü il təvəllüdlü B.Abdullayev, 2014-cü il təvəllüdlü H.Nəcəfov, 2003-cü il təvəllüdlü A.Bağırov və 1971-ci il təvəllüdlü S.Soltanova və "Mercedes" markalı avtomobilin sürücüsü, Kəlbəcər rayon sakini E.Tapdıqov xəsarət alıb.

Qeyd edək ki, xəsarət alanların vəziyyəti qənaətbəxş və normal qiymətləndirilir.

Faktla bağlı araşdırma aparılır.

17:38

Göygöl şəhərində bir neçə nəfərin xəsarət alması ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, Göygöl şəhəri ərazisində qeydə alınan qəza zamanı azı 4 nəfər xəsarət alıb.

Zərərçəkmişlər xəstəxanaya çatdırılıb.

Faktla bağlı araşdırma aparılır.