Goranboyda yol qəzasında ölənlərin və xəsarət alan şəxsin kimliyi məlum olub - YENİLƏNİB

Goranboyda yol qəzasında ölənlərin kimliyi məlum olub.

"Report"un Qərb bürosunun məlumatına görə, "VAZ-2107", "Mercedes" və daha bir minik maşınının toqquşması nəticəsində Akşin İbrahimov və Xəyyam adlı şəxs (soyadı dəqiqləşdirilir - red) ölüb.

Qəza zamanı daha bir nəfər - Araz Şükürov xəsarət alıb. Yaralı xəstəxanaya çatdırılıb. Onun vəziyyəti ağır qiymətləndirilir.

Qeyd edək ki, hadisə Qızılhacılı qəsəbəsində baş verib.

Faktla bağlı araşdırma başlanılıb.

21:25

Goranboyda iki nəfərin ölümü ilə nəticələnən yol qəzası baş verib.

"Report"un Qərb bürosunun məlumatına görə, hadisə rayonun Qızılhacılı qəsəbəsində qeydə alınıb.

Belə ki, "VAZ-2107", "Mercedes" və daha bir minik maşınının toqquşması nəticəsində 2 nəfər ölüb. Hazırda onların şəxsiyyəti dəqiqləşdirilir.

Qəza zamanı daha bir nəfər xəsarət alıb. Yaralı xəstəxanaya çatdırılıb. Onun vəziyyəti ağır qiymətləndirilir.

Faktla bağlı araşdırma başlanılıb.