Gömrük nəzarətindən gizlədilən pirotexniki vasitələr aşkarlanıb

Hadisə

07 iyun, 2018
11:27

Gömrük nəzarətindən gizlədilən pirotexniki vasitələr aşkarlanıb

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 7 iyun. REPORT.AZ/ Dövlət Gömrük Komitəsinin (DGK) Tovuz Gömrük İdarəsinin "Sınıq Körpü" gömrük postunda Gürcüstandan idarə etdiyi "Mercedes-Benz Vaneo CDI" markalı minik avtomobili ilə gələn Azərbaycan vətəndaşı saxlanılıb və gömrük baxışı keçirilib.

Bu barədə “Report"a DGK-dan məlumat verilib.

Baxışdan öncə vətəndaş üzərində və idarə etdiyi avtomobildə gizlədilmiş və ya gömrük nəzarətinə mütləq bəyan ediləsi hər hansı predmetin olmadığını bildirib. Lakin yoxlama zamanı nəqliyyat vasitəsinin alt hissəsində - xüsusi hazırlanmış saxlanc yerində 18 ədəd "36 Silver Chrysanthemum" və 16 ədəd "Roman Candle" markalı pirotexniki vasitələr aşkar edilib.

Faktla bağlı araşdırma aparılır.