Gəncədə avtomobil piyadanı vuraraq öldürüb 

Gəncə şəhərində piyadanın ölümü ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə şəhərin Nizami Gəncəvi prospektində qeydə alınıb.

Yolu qarşı tərəfə keçmək istəyən naməlum şəxsi avtomobil vurub.

Piyada aldığı xəsarətdən hadisə yerində dünyasını dəyişib.

Faktla bağlı araşdırma aparılır.