Fövqəladə Hallar Komissiyası: "Cəlilabadda zəlzələ nəticəsində dağıntı olmayıb"

Bu gün Cəlilabad rayonunda baş verən zəlzələ nəticəsində dağıntı və xəsarət barədə məlumat daxil olmayıb.

Bu barədə "Report"un yerli bürosuna rayon Fövqəladə Hallar Komissiyasından məlumat verilib.

Bildirilib ki, hələlik komissiyaya hər hansı bir dağıntı və xəsarət barədə müraciət olunmayıb.

Həmçinin Cəlilabad Rayon Mərkəzi Xəstəxanasından da "Report"un yerli bürosuna bildirilib ki, tibb müəssisəsinə zəlzələ ilə bağlı müraciət daxil olmayıb.

Qeyd edək ki, bu gün yerli vaxtla saat 01:23-də Masallı və Cəlilabad rayonlarının inzibati sərhədində 5 maqnitudada zəlzələ olub.