Ələt-Astara yolunda qəza olub, ölən və yaralanan var - YENİLƏNİB

Ələt-Astara avtomobil yolunda qəzada ölən və xəsarət alanların şəxsiyyətləri məlum olub.

"Report"un Muğan bürosunun məlumatına görə, ölən şəxs 1995-ci il təvəllüdlü Vüqar Əsgərlidir. Xəsarət alan şəxs isə Tofiq Salahlıdır.

Faktla bağlı araşdırmalar davam etdirilir.

12:14

Ələt-Astara avtomobil yolunun Biləsuvar rayonundan keçən hissəsində ağır qəza baş verib.

"Report"un Muğan bürosunun məlumatına görə, minik avtomobili yük avtomobilinə çırpılıb.

İlkin məlumata görə, qəza nəticəsində 1 nəfər ölüb, 1 nəfər xəsarət alıb.

Yaralı Biləsuvar Rayon Mərkəzi Xəstəxanasına çatdırılıb.

Faktla bağlı araşdırma aparılır.