Neftçalada mikroavtobus yük maşınına çırpılıb, 4 nəfər ölüb - YENİLƏNİB-3 - FOTO

Neftçala rayonunda baş verən ağır yol-nəqliyyat hadisəsi zamanı ölən şəxslərin adları məlum olub.

“Report”un Aran bürosu xəbər verir ki, hadisə bu gün səhər saatlarında yeni Əət-Astar magistralının 86-cı kilometrliyində Neftçala rayonunun ərazisində qeydə alınıb. 

Belə ki, Astara istiqamətində hərəkətdə olan “Ford” markalı mikroavtobus yüksək sürətlə qarşıda gedən “Kamaz” markalı yük maşınının arxa hissəsinə çırpılıb. 

Qəza zamanı 4 nəfər ölüb, 2 nəfər yaralanıb. 

Ölənlər:

1998-ciil təvəllüdlü Yaqubov Cavid Əlizadə oğlu, 

1975-ci il təvəllüdlü Məhərrəmov Rövşən Qənbər oğlu, 

1971-ci il təvəllüdlü Mirzəyev Səlim müzəffər oğlu,

1991-ci il təvəllüdlü Əliyev Azər Zəfər oğlu.

Hadisə yerinə gələn təcili yardım maşınları ilə ölən şəxslərin meyiti müayinə olunması üçün Salyandakı məhkəmə-tibbi ekspertisasına göndərilib. Xəsarət alanlar isə Cəlilabad rayon Mərkəzi Xəstəxanasına yerləşdirilib.

Şahidlərin sözlərinə görə, qəza mikroavtobus sürücüsünün səhlənkarlığı ucbatından olub.

Faktla bağlı araşdırma aparılır.

*** 09:10

Ələt-Astara avtomobil yolunun Neftçala rayonundan keçən hissəsində baş verən ağır yol qəzası zamanı yaralananların şəxsiyyəti məlum olub.

"Report"un Muğan bürosunun məlumatına görə, bunlar Yardımlı rayon sakinləri- 1998-ci il təvəllüdlü Əsgərzadə Çinarə Mehdi qızı və 1991-ci il təvəllüdlü Hümbətzadə Şiraz Mürsəl oğludur.

*** 06:33

Ələt-Astara magistral yolunda ölümlə nəticələnən avtoqəza baş verib.

“Report”un Aran bürosunun məlumatına görə, hadisə bu gün səhər saatlarında yeni Ələt-Astara magistral yolunun 85-ci kilometrliyində - Neftçala rayonu ərazisindən keçən hissəsində qeydə alınıb.

“Ford” markalı mikroavtobus qarşıda gedən "Kamaz” markalı yük maşınının arxa hissəsinə çırpılıb. Qəza zamanı 4 nəfər ölüb, daha 2 nəfər yaralanıb. Ölənlərin meyiti müayinə olunması üçün Salyan morquna təhvil verilib. Xəsarət alanlar isə Cəlilabad Rayon Mərkəzi Xəstəxanasına yerləşdiriliblər.

Hazırda ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

***06:17

Ələt-Astara magistralında ağır yol qəzası baş verib.

“Report”un Aran bürosunun məlumatına görə, hadisə yeni Ələt-Astara magistral yolunun 85-ci kilometrliyində qeydə alınıb.

Qəza zamanı 3 nəfərin öldüyü, 2 nəfərin isə yaralandığı bildirilir. Hazırda hadisə yerinə "təcili yardım" maşınları cəlb olunub.

Faktla bağlı araşdırma aparılır.