Binəqədidə qadın yol qəzasında ağır xəsarət aldı

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Binəqədi rayonunda qeydə alınıb. İki avtomobilin toqquşması nəticəsində sərnişin, 1980-ci il təvəllüdlü Abbasova Samirə Səfər qızı ağır xəsarət alıb. Yaralı xəstəxanaya çatdırılıb və həkim nəzarətinə götürülüb. Müayinə zamanı ona çanaq sümüyünün sınığı diaqnozu qoyulub.

Faktla bağlı araşdırma aparılır.