Binəqədi rayonunda avtomobil piyadanı vuraraq ağır xəsarət yetirdi

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Binəqədi rayonunda qeydə alınıb.

Yolu keçən 1969-cu il təvəllüdlü Hüseynov Sahib Səməd oğlunu avtomobil vurub. Nəticədə o, ağır bədən xəsarətləri alıb. Yaralı təcili yardımın köməkliyi ilə xəstəxanaya çatdırılıb. Müayinə zamanı Sahib Hüseynova qapalı kəllə-beyin travması və sağ baldır sümüklərinin yerdəyişən sınıqları diaqnozları qoyulub. Yaralı reanimasiya şöbəsinə yerləşdirilib.

Hadisənin təfərrüatı araşdırılır.

İlqar Abdullayev