Biləsuvarda yardımçı təsərrüfata basqın edilib, pul və telefon aparılıb

Biləsuvar rayonunda quldurluq hadisəsi baş verib.

Bu barədə "Report"un Aran bürosuna DİN Mətbuat xidmətinin Şirvan regional qrupundan məlumat verilib.

Belə ki, Biləsuvar Rayon Polis Şöbəsinə müraciət edən Aşağı Curəli kənd sakini M.Məmmədov oktyabrın 31-nə keçən gecə evinin həyətindəki yardımçı təsərrüfata gələn 2 nəfərin onu döyüb 1750 manatını və mobil telefonunu aldığını bildirib.

Keçirilən əməliyyat-axtarış tədbirləri nəticəsində quldurluğu törətməkdə şübhəli bilinən şəhər sakini Pərviz Babayev saxlanılıb, daha 1 nəfərin isə şəxsiyyəti müəyyən edilib.

Faktla bağlı araşdırma aparılır.