Bakıda mağazadan oğurluq etmiş şəxslər tutulub

Bakı. 14 oktyabr. REPORT.AZ/ Bakıda mağazadan oğurluq edilib. Bu barədə “Report”a Bakı Şəhər Baş Polis İdarəsinin mətbuat xidmətindən məlumat verilib.

Belə ki, Bakı şəhər sakini Cəfər Sadıqova məxsus K.Kərimov küçəsində yerləşən mağazanın anbarından, pəncərənin qıfılını sındırmaq yolu ilə ərzaq və sənaye malları oğurlanıb. Xətai Rayon Polis İdarəsinin 37-ci Polis Bölməsi əməkdaşlarının keçirdikləri əməliyyat tədbirləri nəticəsində, oğurluqda şübhəli bilinən Bakı şəhər sakinləri - əvvəllər məhkum olunmuş 1983-cü il təvəllüdlü Vüqar Atakişiyev və 1987-ci il təvəllüdlü Eltimas Qubanov tutulublar.