Bakıda sürücü velosipedçini vuraraq hadisə yerindən qaçdı

Bakıda velosipedçinin xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, hadisə Suraxanı rayonunda qeydə alınıb.

Bülbülə qəsəbəsində 1975-ci il təvəllüdlü İsmayılov Müşviq Əlişan oğlunu evinin qarşısında avtomobil vurub. Yaralı təcili tibbi yardım briqadasının köməkliyi ilə xəstəxanaya çatdırılıb və ona bədənin küt travması diaqnozu qoyulub.

Qeyd edək ki, hadisəni törədən sürücü qəza yerindən qaçıb.