Bakıda sürücü idarəetməni itirərək xəsarət alıb

Bakıda xəsarətlə nəticələnən yol-nəqliyyat hadisəsi baş verib.

"Report”un məlumatına görə, hadisə Nərimanov rayonunda qeydə alınıb.

Belə ki, Ziya Bünyadov prospektində naməlum avtomobil 90-KA-768 dövlət nömrə nişanlı "Kia" markalı avtomobilə qəza təhlükəsi yaradıb. "Kia"-nın sürücüsü (şəxsiyyəti dəqiqləşdirilir - red) vəziyyətdən çıxa bilməyərək, idarəetməni itirib, nəticədə nəqliyyat vasitəsi səkiyə çırpılıb.

Hadisə zamanı sürücü xəsarət alıb. Qəza yerinə polis əməkdaşları, eləcə də təxliyə maşını gəlib.