Bakıda qapısı açıq qalmış evdən oğurluq olub

Bakıda qadının evindən oğurluq edilib.

“Report”un xəbərinə görə, hadisə dekabrın 21-də Binəqədi rayonunun Biləcəri qəsəbəsi ərazisində qeydə alınıb.

Belə ki, günorta saatlarında Yeni Yaşayış Massivi ərazisində yaşayan P.Aslanovanın evindən, içəri açıq qapıdan daxil olmaqla yataq dəstləri oğurlanıb.

Daha sonra qadın hüquq-mühafizə orqanları əməkdaşlarına müraciət edib.

Polis əməkdaşlarının keçirdikləri əməliyyat-axtarış tədbirləri nəticəsində Cəlilabad rayon sakini S.Şükürov müəyyən edilərək şübhəli şəxs qismində saxlanılıb.

Faktla bağlı araşdırma aparılır.