Bakıda qadın sərnişin avtobusda ağır xəsarət alıb

Bakıda avtobus sərnişinin xəsarət ilə nəticələnən hadisəsi baş verib.

"Report"un məlumatına görə, hadisə Binəqədi rayonunda qeydə alınıb.

Belə ki, 1976-cı il təvəllüdlü Məmmədova Nəsibə Qurban qızı rayon ərazisində fəaliyyət göstərən sərnişin avtobusunda müvazinətini itirərək yıxılıb və xəsarət alıb.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sağ bazu sümüyünün yerdəyişən sınığı diaqnozu qoyulub.

Hadisənin təfərrüatı araşdırılır.