Bakıda büst oğurlandı

Bakıda oğurluq hadisəsi baş verib.

"Report"un xəbərinə görə, hadisə Xəzər rayonunun Buzovna qəsəbəsi ərazisində yerləşən 206 nömrəli tam orta məktəbdə qeydə alınıb.

Belə ki, məktəbin qarşısında tanınmış şəxslərə ucaldılan büstlərdən biri - Nadir Axundovun büstü naməlum şəxs tərəfindən oğurluq yolu ilə ələ keçirilib.

Hadisə ilə bağlı hüquq-mühafizə orqanlarının əməkdaşlarına müraciət edilib.

Faktla bağlı araşdırma aparılır.

Qeyd edək ki, büstün qiyməti təxminən 5 000 manatdır.

Məktəbin direktoru Minnağı Nəzərli "Report"la əlaqə saxlayaraq bildirib ki həmin büst məktəbin balansında deyil, məktəbə aid deyil:

"Büst məktəbin qarşısında salınmış parkda Buzovnanın görkəmli şəxsləri üşçün yerləşdirilmiş heykəllərin içərisinədir".

Şeyx Təmim bin Həməd Al Tani və İlham Əliyev