Bakıda avtomobil yolu keçən piyadanı vurdu

Bakıda piyadanın xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, bu barədə Bakı Nəqliyyat Agentliyinin (BNA) Mətbuat xidmətinin rəhbəri Mais Ağayev bildirib.

O, qeyd edib ki, hadisə Nobel prospektində qeydə alınıb. Avtomobil piyadanı vuraraq xəsarət yetirib. Məlumata görə, piyada yerüstü keçidin altında yolu qarşı tərəfə keçmək istəyirmiş. 

Hadisə ilə əlaqədar ərazidə tıxac yaranıb.