Bakıda Avropa azərbaycanlıları tərəfindən peşəkar boks yarışı keçiriləcək

Bakı. 14 may. REPORT.AZ/ Magdeburg (Almaniya) “Azərbaycan Mədəniyyəti” Cəmiyyətinin və uzun illərdir bu ölkədə fəaliyyət göstərən "Heydər Əliyev adına Dünya Boks Komitəsi"nin, Avropa Azərbaycanlıları Konqresinin (AAK) və “Qəbələ” İdman Klubunun təşkilatçılığı və dəstəyi ilə iyunun 2-də Bakıda peşəkar boks üzrə yarış keçiriləcək. 

AAK-dan "Report"a verilən məlumata görə, təşkilatçı cəmiyyətin və komitənin sədri, AAK-ın vitse prezidenti Yaşar Niftəliyev idmançıların sayını açıqlayıb.

Azərbaycan Xalq Cümhuriyyətinin 100 illiyinə həsr olunan yarışa Avropa ölkələrindən 15-dən çox idmançı qatılacaq. İdmançılar IBO-WBC dünya, WBCA kontinental kəmərləri uğrunda “Sərhədçi” İdman Olimpiya Mərkəzində görüşəcəklər.