Bakı sakininə qarşı soyğunçuluq edildi

Bakıda soyğunçuluq hadisəsi baş verib.

“Report”un xəbərinə görə, hadisə mayın 11-i saat 22 radələrində Səbail rayonu ərazisində qeydə alınıb.

Belə ki, naməlum şəxs Bakı şəhər sakini O.Quliyevin içərisində 260 manat, 2 200 Rusiya rublu, bank kartları, sənədləri və mobil telefonu olan əl çantasını soyğunçuluq yolu ilə ələ keçirib.

Daha sonra O.Quliyev bu barədə polis əməkdaşlarına müraciət edib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb.

Səbail Rayon Polis İdarəsi Cinayət Axtarış Şöbəsi və 8-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakini, 1993-cü il təvəllüdlü E.Dostəliyev müəyyən edilərək saxlanılıb.