Bakı polisi oğurluqda şübhəli bilinən qadını tutub

Bakı. 29 sentyabr. REPORT.AZ/ Bakının Lökbatan qəsəbəsində oğurluqda şübhəli bilinən qadın saxlanılıb. Bu barədə “Report”a Bakı Şəhər Baş Polis İdarəsinin mətbuat xidmətindən məlumat verilib.

Məlumata görə, Qaradağ Rayon Polis İdarəsinin 10-cu Polis Bölməsi əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Bakı şəhər sakini Xanım Daşdıyeva tutulub. Məlum olub ki, o, sentyabrın 27-də Lökbatan qəsəbəsində yerləşən ticarət mərkəzində Xırdalan şəhər sakini Firuzə Kaibxanova məxsus, içərisində şəxsiyyət vəsiqəsi, mobil telefon və 300 manat olan əl çantasını oğurlayıb.

Faktla bağlı araşdırma aparılır.