Azərbaycan vətəndaşının avtomobilinin yanacaq çənində xeyli sayda fişəng və pirotexniki vasitə aşkarlanıb

Hadisə

07 sentyabr, 2018
08:33

Azərbaycan vətəndaşının avtomobilinin yanacaq çənində xeyli sayda fişəng və pirotexniki vasitə aşkarlanıb

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 7 sentyabr. REPORT.AZ/ Daxil olan əməliyyat məlumatı əsasında, Gürcüstandan gələn Azərbaycan vətəndaşının idarə etdiyi "VAZ 21214" markalı avtomobil "Qırmızı Körpü" gömrük postunda saxlanılıb və gömrük baxışı keçirilib.

Dövlət Gömrük Komitəsindən "Report"a verilən məlumata görə, baxışdan öncə, vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib.

Lakin yoxlama nəticəsində, avtomobilin yanacaq çəninin içərisində 360 ədəd "Sterminator" markalı fişəng, 5700 ədəd "Cock Crowinq At Dawn" markalı pirotexniki vasitə aşkar edilib.