Abşeronda avtomobil ana və oğlunu vuraraq öldürüb

Bakı. 27 yanvar. REPORT.AZ/ Abşeron rayonunun Sulutəpə qəsəbəsində ölümlə nəticələnən yol-nəqliyyat hadisəsi baş verib. 

“Report” DİN-in rəsmi saytına istinadən xəbər verir ki, Gədəbəy rayon sakini Anar Əsgərov idarə etdiyi “Daewoo” markalı avtomobillə yolu keçən Bakı şəhər sakinləri Vüsalə Qəmbərovanı və onun oğlu Vaqifi vurub. Hər iki şəxs xəstəxanaya qaldırılsalar da, onların həyatını xilas etmək mümkün olmayıb.

Faktla bağlı araşdırma aparılır.