Ağstafada yol qəzasında xəsarət alanların şəxsiyyəti məlum olub - YENİLƏNİB

Ağstafa. 5 avqust. REPORT.AZ/ Ağstafa rayonunda baş vermiş avtomobil qəzası zamanı xəsarət alanların şəxsiyyətləri məlum olub.

"Report"un Qərb bürosu xəbər verir ki, bunlar - Poylu kənd sakini, 1989-cu il təvəllüdlü Dəmirov Qiyas Qabil oğlu, Kirovka kənd sakini, 1997-ci il təvəllüdlü Əliyev Hüseyn Eldar oğlu və Ağstafa şəhər sakini, Əliyev Məhəmməd Etibar oğludur. Hər üç yaralının vəziyyətinin qənaətbəxş olduğu bildirilir.

Daha iki nəfərə isə ambulator yardım göstərilib.

***21:58

Ağstafa. 5 avqust. REPORT.AZ/ Ağstafa rayonunda 5 nəfərin xəsarətlə nəticələnən yol qəzası baş verib.

"Report"un Qərb bürosunun məlumatına görə, Poylu kəndi yolu ilə hərəkətdə olan "VAZ-21099" markalı avtomobilin digər maşınla toqquşması nəticəsində 5 nəfər müxtəlif bədən xəsarətləri alıb.

Xəstəxanaya aparılan şəxslərin vəziyyətinin qənaətbəxş və normal olduğu bildirilir.

Faktla bağlı araşdırma aparılır.