Ağstafada yol qəzası olub, xəsarət alanlar var - YENİLƏNİB

Ağstafa rayonunda iki avtomobilin toqquşması nəticəsində xəsarət alanların şəxsiyyəti məlum olub.

"Report"un Qərb bürosunun məlumatına görə, hadisə nəticəsində xəsarət alanlar aşağıdakılardır:

1) 1981-ci il təvəllüdlü Emil Mikayılov

2) 1985-ci il təvəllüdlü Kamal Babayev

3) 1972-ci il təvəllüdlü Akif Bayramov

Xəsarət alanların hər biri xəstəxanaya yerləşdirilib, vəziyyətləri kafi və orta-ağır qiymətləndirilir.

15.59

Ağstafa rayonunda üç nəfərin xəsarət alması ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə rayonun Eynallı kəndində qeydə alınıb.

İki avtomobilin toqquşması nəticəsində xəsarət alan üç nəfər xəstəxanaya yerləşdiriliblər.

Onların vəziyyətləri kafi və orta-ağır qiymətləndirilir.

Faktla bağlı araşdırma aparılır.