Ağstafada avtomobil qəzası olub, xəsarət alanlar var

Ağstafa rayonunda 3 nəfərin xəsarət alması ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə rayonun Köçəsgər kəndində qeydə alınıb.

İki avtomobilin toqquşması nəticəsində 1993-cü il təvəllüdlü Xəyal Vəliyev, 1976-cı il təvəllüdlü Firuz Abbasov və 1977-ci il təvəllüdlü Şərafət Allahverdiyeva xəsarət alıb.

Zərərçəkənlər xəstəxanaya yerləşdirilib.

Faktla bağlı araşdırma aparılır.