"Zirə" klubunun rəsmisi: "Ani diqqətsizlikdən buraxılan bir səhv texniki məğlubiyyətlə nəticələndi"

Ani diqqətsizlik ucbatından baş verən səhv "Zirə"nin texniki məğlubiyyət almasına səbəb olub.

Bunu "Report"a açıqlamasında "qartallar"ın mətbuat xidmətinin rəhbəri Elmar Abdullazadə deyib.

Klub rəsmisi AFFA Gənclər Liqasında "Turan Tovuz"la qarşılaşmadan sonra komandaya verilən 0:3 hesablı texniki məğlubiyyətin səbəbindən danışıb:

"Belə bir hal yaşandığı üçün təəssüf hissi keçiririk. Həqiqətən istəməzdik ki, belə olsun. Ani diqqətsizlikdən buraxılan bir səhv texniki məğlubiyyətlə nəticələndi. İnanırıq ki, yenidən belə bir hal yaşanmayacaq".

Qeyd edək ki, AFFA İntizam-Komitəsi adı protokolda qeyd edilməyən futbolçu meydana daxil olduğunu üçün "Zirə"yə 0:3 hesablı məğlubiyyət verib.