"Yuventus" "Cenoa" komandasının transfer təklifini geri çevirib

İtaliya təmsilçisi "Yuventus" A Seriyasının digər komandası "Cenoa"nın transfer təklifini geri çevirib.

"Report" xarici KİV-ə istinadən xəbər verir ki, "Genoa" kollektivi "ağ-qaralar"ın qapıçısı Mattiya Perinanı sıralarına qatmaq istəsə də, turinlilər razılaşmayıblar.

Bununla da "qırmızı-mavi"lər qapıçı mövqeyi üçün digər variantları nəzərdən keçirirlər.

Qeyd edək ki, 33 yaşlı Mattiya Perina cari mövsüm bütün turnirlərdə 4 oyun keçirib və 6 qol buraxıb.

O, "Cenoa" komandasının yetirməsidir və 2018-ci ildə 16,3 milyon avroya "Yuventus"a transfer olunub.