UEFA Azərbaycanın dörd klubunun hesabına maliyyə vəsaiti köçürüb

Bakı. 8 yanvar. REPORT.AZ/ UEFA Çempionlar və Avropa liqalarının 2016-2017-ci il mövsümündə “Fair Play” qaydalarının pozulması nəticəsində tətbiq edilən cərimə sanksiyalarından toplanan vəsait digər klublar arasında bölüşdürülüb.

"Report" AFFA-nın saytına istinadən xəbər verir ki, vəsaitin bölgüsü qrup mərhələsində mübarizə aparan klublar üçün 80 faiz, təsnifat mərhələsində çıxış edən klublar üçün 20 faiz nəzərdə tutulub.

UEFA-dan ayrılan maliyyə vəsaiti AFFA-nın vasitəçiliyi ilə Azərbaycan klublarının hesabına müvafiq qaydada köçürülüb. Beləliklə, “Qarabağ” və “Qəbələ” klublarının hər biri 78 min 300 avro, “Neftçi” və “Kəpəz” isə hərəyə 8540 avro əldə ediblər.