Türkiyə yığmasının iki futbolçusu millimizlə oyunda zədələndi

Türkiyə millisinin qapıçısı Altay Bayındır sıradan çıxıb.

"Report"un məlumatına görə, 23 yaşlı qolkiper Azərbaycanla yoldaşlıq oyunun 72-ci dəqiqəsində zədələnib. "Fənərbağça"nın üzvü Əli Qurbani ilə üzbəüz epizodda ayağından xəsarət alaraq, meydanı tərk edib.

Bundan başqa, 81-ci dəqiqədə Təmkin Xəlilzadə Halil Akpınara qarşı kobud oynayaraq rəqibini zədələyib. Akpınar meydandan xərəkdə çıxıb. Onu isə Ozan Tufan əvəzləyib.

Qeyd edək ki, hazırda ikinci hissə oynanılır və hesab Türkiyə millisinin xeyrinədir - 2:1.