Türkiyə Super Liqasının oyunu dumana görə təxirə salınıb

Futbol üzrə Türkiyə Super Liqasının XXXII turunda bu gün keçirilməsi planlaşdırılan "Qaziantep" - "Trabzonspor" oyunu təxirə salınıb.

"Report" yerli federasiyanın rəsmi saytına istinadən xəbər verir ki, buna qonaq komandanın sıx dumana görə səfərə yollana bilməməsi səbəb olub.

Əlverişsiz hava şəraiti ucbatından Trabzon hava limanındakı uçuşlar ertələnib. Qarşılaşma aprelin 9-da Bakı vaxtı ilə saat 21:30-da başlayacaq.

Qeyd edək ki, "Trabzonspor" 31 oyundan sonra 71 xalla liderdir. 40 xala malik "Qaziantep" 14-cü sırada qərarlaşıb.