Tanınmış baş məşqçi istefaya göndərilir

Fransanın "Nant" klubunun baş məşqçisi Raymon Domenek istefaya göndəriləcək.

"Report" AFP-yə istinadən xəbər verir ki, buna səbəb komandanın uğursuz çıxışıdır.

69 yaşlı mütəxəssis ötən ilin dekabrından Liqa 1 təmsilçisinə başçılıq edir. "Nant" onun rəhbərliyi altında keçirdiyi 8 oyunun 4-də heç-heçə edib, 4-də isə uduzub.

Həmçinin komanda "Lans"a 2:4 hesabı ilə uduzaraq Fransa kubokunda mübarizəni dayandırıb.

Təcrübəli baş məşqçinin "Nant"la müqaviləsi cari mövsümün sonunadəkdir. Onu bu vəzifədə Antuan Kambuere əvəzləyəcək.

Qeyd edək ki, Raymon Domenek 2004 - 2010-cu illərdə Fransa millisinə başçılıq edib. O, "xoruzlar"la 2006-cı il dünya çempionatının finalınadək irəliləyib.