"Sumqayıt" sabiq futbolçusu ilə müqavilə imzaladı

“Sumqayıt” Tellur Mütəllimovun ardınca daha bir futbolçunu heyətinə cəlb edib.

"Report" klubun rəsmi saytına istinadən xəbər verir ki, "gənclik şəhəri" son mövsümü “Zirə”də keçirmiş sabiq yarımmüdafiəçisi Elvin Məmmədov ilə 1 illik müqavilə imzalayıb.

Qeyd edək ki, 2018/19 mövsümündə “Sumqayıt”da oynamış Elvin Məmmədov (15 oyun, 2 qol) “Zirə” (50 oyun 5 qol) ilə yanaşı, “Turan” (47 oyun, 3 qol), “İnter” (52 oyun, 5 qol), “Qarabağ” (70 oyun, 3 qol), “Bakı” (73 oyun, 3 qol) və “Qəbələ”nin (11 oyun, 2 qol) uğurları üçün çalışıb. 2008-ci ildə ilk dəfə əsas milliyə dəvət almış Elvin yığmanın heyətində 37 qarşılaşmada 7 qola imza atıb.