"Sumqayıt"ın baş məşqçisi və "Neftçi"nin futbolçusuna verilən cəza açıqlanıb

Bakı. 21 fevral. REPORT.AZ/ AFFA İntizam Komitəsi Azərbaycan Premyer Liqasında XVI turun “Sumqayıt” – “Neftçi” matçında baş verənlərlə bağlı cəza tədbirləri görüb. 

"Report"un məlumatına görə, meydan sahiblərinin baş məşqçisi Samir Abasov 1 oyunluq cəza və 800 manat cəriməyə məruz qalıb. Səbəb 40 yaşlı mütəxəssisin texniki zona qaydalarını pozmasıdır. 

"Neftçi"dən isə Rəşad Sadiqov 60-cı dəqiqədə azarkeşlərə qarşı təhqiredici ifadələr işlətdiyinə görə, meydandan kənarlaşdırıldığından, 3 oyunluq cəzalanıb, klub 1600 manat cərimə olunub. Komanda 5 futbolçusu sarı vərəqə ilə cəzalanması səbəbindən 800 manat ziyana düşüb.

Qeyd edək ki, bu görüş "Sumqayıt"ın qələbəsi ilə yekunlaşıb - 2:0.