"Sumqayıt" Azərbaycan millisinin futbolçusunu transfer edib

"Sumqayıt" cari mövsümünün ikinci yarısı üçün ilk futbolçu keçidini reallaşdırıb.

"Report" xəbər verir ki, bu barədə klubun mətbuat xidməti məlumat yayıb.

Komanda müqavilə ilə Ukraynanın "Polissya" klubuna məxsus yarımmüdafiəçi Emil Mustafayevi mövsümün sonuna qədər icarəyə götürüb.

Qeyd edək ki, "Oleksandriya" klubunun yetirməsi olan Emil Mustafayev karyerası boyunca "Çernomorets" və "Polissya" klublarının uğurları üçün çalışıb. 24 yaşlı yarımmüdafiəçi Azərbaycanın U-21 və əsas millilərinin də şərəfini qoruyub.