"Sabah" klubu yeni transferini açıqladı

“Sabah” klubu heyətini yeni futbolçu ilə gücləndirib.

"Report" klubun rəsmi saytına istinadən xəbər verir ki, paytaxt təmsilçisi ukraynalı yarımmüdafiəçi Dmitro Klotsla anlaşıb.

24 yaşlı oyunçu ilə mövsümün sonuna kimi müqavilə imzalanıb. O, “Sabah”da 48 nömrəli formanı geyinəcək.

Qeyd edək ki, 2020-ci ildə "Keşlə"də oynayan Dmitro Klots 2014 - 2020-ci illərdə ölkəsində “Karpatı” (Lvov) komandasının şərəfini qoruyub.