"Sabah"ın baş məşqçisi: "Bizdə zəif oynayan futbolçu yoxdur"

"Oyuna çox ciddi hazırlaşmışdıq. Rəqibi yaxşı təhlil etmişdik. 7-8 futbolçumuz oynamasa da, uğurlu nəticə qazana bildik. Futbolçularımı təbrik edirəm".

"Report"un məlumatına görə, bu fikirləri "Sabah"ın baş məşqçisi Ramil Quliyev səfərdə "Sumqayıt"ı 2:0 hesabı ilə məğlub etdikləri oyundan sonra mətbuat konfransında deyib.

40 yaşlı mütəxəssis bildirib ki, müdafiənin mərkəzində şans verdiyi Bəxtiyar Həsənalızadə və Ruslan Abışov tandeminin çıxışına toxunub: "Bizdə zəif çıxış edən futbolçu yoxdur. Bu gün istənilən oyunçu özünü yaxşı tərəfdən göstərdi".

Quliyev matçın gedişində zədələnən Həsənalızadənin durumuna həkimlərin müayinəsindən sonra aydınlıq gələcəyini də bildirib.