Ronaldu Bekhemin komandasında oynaya bilər

İtaliyanın "Yuventus" klubunun ulduz futbolçusu Kriştianu Ronaldu karyerasını ABŞ-da davam etdirə bilər.

"Report" "Daily Star"a istinadən xəbər verir ki, 36 yaşlı hücumçu ABŞ-ın "İnter Mayami" klubunun sahibi, İngiltərə yığmasının keçmiş üzvü Devid Bekhemlə əlaqə yaradıb.

O, MLS təmsilçisində oynamaq ehtimalını nəzərdən keçirir.

Qeyd edək ki, Kriştianu Ronaldunun "Yuventus"la müqaviləsi 2022-ci ilin yayında başa çatmalıdır. Portuqaliyalı oyunçunun maaşı ildə 31 milyon avrodur. Forvard Turin klubuna 2018-ci ilin iyulunda İspaniyanın "Real Madrid" klubundan 117 milyon avroya keçib.