"Real Madrid"in hücumçusu zədələndi

İspaniyanın "Real Madrid" klubunun və Serbiya millisinin futbolçusu Luka Yoviç zədələnib.

"Report" Madrid təmsilçisinin rəsmi saytına istinadən xəbər verir ki, 23 yaşlı hücumçu sağ bud əzələsindən xəsarət alıb.

Onun yaşıl meydanlara nə vaxt qayıdacağı açıqlanmayıb. O, koronavirusa yoluxduğu üçün komandanın son 5 matçında iştirak etməmişdi. Yoviçin dekabrdakı testi mənfi nəticə verib.

Qeyd edək ki, Luka Yoviç 2020/2021 mövsümündə "Real Madrid"in heyətində 5 oyun keçirib. Serbiya yığması dünya çempionatının seçmə mərhələsində Lüksemburq, Portuqaliya, İrlandiya və Azərbaycan millisi ilə birlikdə A qrupunda qərarlaşıb.