Ralf Ranqnik: "Argentina ilə matçda cəsarətlə və qorxmadan mübarizə apardıq"

Avstriya millisi Argentina ilə matçda cəsarətlə və qorxmadan mübarizə aparıb.

"Report" xarici mediaya istinadən xəbər verir ki, bunu Avropa təmsilçisinin baş məşqçisi Ralf Ranqnik Argentina yığmasına qarşı DÇ-2026-nın qrup mərhələsinin oyunundan sonra deyib.

Mütəxəssis məğlub olduqları görüşü qiymətləndirib:

"Daha artığına nail ola bilərdik, amma ümumilikdə çıxışımız planlaşdırdığımız alındı. Cəsarətlə və qorxmadan mübarizə apardıq. Lakin bəzi epizodlarda bir az da cəsarətli davranmağımızı və xüsusilə qapıya daha yaxşı zərbələr endirməyimizi istərdim.

Rəqibin ikinci qolu əks-hücumdan vurması isə çox məyusedici oldu. Amma ümumi mənzərəyə baxsaq, yaxşı oyun sərgilədik".

Qeyd edək ki, Argentina - Avstriya oyunu 2:0 hesabı ilə başa çatıb.