Qvardiola "Mançester Siti"nin futbolçusunun bərpa müddətini açıqlayıb

İngiltərənin "Mançester Siti" klubunun baş məşqçisi Xosep Qvardiola komandanın zədəli üzvü Savinyonun bərpa müddətini açıqlayıb.

"Report" "Sky Sports"a istinadən xəbər verir ki, mütəxəssis futbolçunun təxminən ayyarım, iki ay müddətinə qayıda biləcəyini söyləyib.

Baş məşqçi futbolçunun mövsümün qalan hissəsini buraxmayacağını düşündüyünü deyib.

Qeyd edək ki, 21 yaşlı vinger Premyer Liqanın XIX turunda "Sanderlend"lə (0:0) baş tutan matçın 51-ci dəqiqəsində zədələnərək əvəzlənmişdi.