“Qarabağ” və “Neftçi” nəhənglərlə eyni turnirdə çıxış edəcəklər

“Qarabağ” və “Neftçi”nin U-12 komandası Türkiyədə keçiriləcək “İzmir Cup” turnirində qitə nəhəngləri ilə qarşılaşacaqlar.

“Report”un məlumatına görə, adıçəkilən komandalar 72 iştirakçı sırasında yer alacaqlar.

Apreldə baş tutacaq yarışın artıq 66 iştirakçısı bəllidir. Onlar arasında İtaliyanın “Yuventus”, Fransanın PSJ, Almaniyanın “Bavariya”, İngiltərənin “Mançester Siti” və “Çelsi” kimi tanınmış komandaları da var.

Eyni zamanda, Türkiyənin “Fənərbağça”, “Qalatasaray” və “Beşiktaş” olmaqla bir çox komandası yarışda gücünü sınayacaq.

Qeyd edək ki, “İzmir Cup” aprelin 6-9-u aralığında keçiriləcək.