"Qarabağ" - "Sileks" matçının fasiləsində stadionda dezinfeksiya aparıldı

"Qarabağ" və Şimali Makedoniyanın "Sileks" komandaları arasında keçirilən UEFA Çempionlar Liqasının I təsnifat mərhələsinin oyununda ilk yarı başa çatdıqdan sonra qeyri-adi hadisə baş verib. 

"Report"un məlumatına görə, fasilə yaranan kimi meydana xüsusi geyimdə olan iki nəfər daxil olub. Onlar topları, qapı torlarını və dirəklərini, eyni zamanda künc bayraqlarını dezinfeksiya ediblər. Dezinfeksiya işləri koronavirus pandemiyası əleyhinə görülüb.

Qeyd edək ki, ilk yarıdan sonra "Qarabağ" öndədir - 2:0. Qolları 11-ci dəqiqədə Xayme Romero, 40-cı dəqiqədə isə Donald Gerye vurub.