"Qarabağ"a vurulan qollar ən yaxşı seçilə bilər

Bakı. 1 may. REPORT.AZ/ İngiltərənin "Çelsi" klubu 2017/2018 mövsümündə vurulan ən yaxşı qolların səsverməsinə başlayıb.

"Report"un məlumatına görə, klubun rəsmi saytında aparılan səsvermədə 9 qol mükafat üçün iddialıdır. Ən yaxşı qol isə mayın 10-u elan olunacaq.

Siyahıda London təmsilçisinin Çempionlar Liqasının qrup mərhələsində "Qarabağ"a vurduğu iki qol da yer alıb. Qrup mərhələsinin ilk oyununda Ağdam təmsilçisini 6:0 hesabı ilə məğlub etdikləri görüşdə ikinci qolu vuran David Zapakosta və Bakıdakı görüşdə (0:4) fərqlənən Villian mükafat üçün yarışacaq.

Qeyd edək ki, ötən mövsüm bu mükafatı komandanın belçikalı ulduz futbolçusu Eden Azar alıb.