"Qarabağ" 2025-ci ildə sonuncu oyununu bu gün keçirəcək

"Qarabağ" komandası cari ildə sonuncu oyununa bu gün çıxacaq.

"Report"un məlumatına görə, Qurban Qurbanovun baş məşqçisi olduğu kollektiv Misli Premyer Liqasının XVI turunda "Qəbələ"nin qonağı olacaq.

Qarşılaşma saat 15:00-da start götürəcək. Ağdam təmsilçisi 33 xalla ikinci, meydan sahibləri 8 xalla 11-ci pillədə qərarlaşıb.

Günün ikinci görüşündə "Araz-Naxçıvan" "Şamaxı" ilə üz-üzə gələcək. Bu oyun saat 17:30-da başlanacaq. Naxçıvan klubu 23 xalla beşinci, qonaqlar 20 xalla yeddincidir.

Misli Premyer Liqası

II dövrə, XI tur

21 dekabr

15:00. "Qəbələ" – "Qarabağ"

Hakimlər: Əli Əliyev, Namiq Hüseynov, Cəmil Quliyev, Nicat İsmayıllı.

VAR: Rauf Cabarov.

AVAR: Elşad Abdullayev.

Hakim-inspektor: Anar Salmanov.

AFFA nümayəndəsi: Eldar Məmmədov.

Qəbələ şəhər stadionu

17:30. "Araz-Naxçıvan" – "Şamaxı"

Hakimlər: Fərid Hacıyev, Rahil Ramazanov, Eyyub İbrahimov, İnqilab Məmmədov.

VAR: Əliyar Ağayev.

AVAR: Kamranbəy Rəhimov.

Hakim-inspektor: Ömər Paşayev.

AFFA nümayəndəsi: Asif Əliyev.

"Liv Bona Dea Arena"

Qeyd edək ki, XVI tura dekabrın 22-də "Sumqayıt" - "Sabah" oyunu ilə yekun vurulacaq. Daha əvvəl "Turan Tovuz" "Kəpəz"i (2:0), "Neftçi" "Karvan-Yevlax"ı (2:1) məğlub edib. "Zirə" - "İmişli" qarşılaşmasında qolsuz heç-heçə qeydə alınıb.