Polşa millisi baş məşqçisi ilə müqavilə müddətini uzatdı

Polşa Futbol İttifaqı millinin baş məşqçisi Yeji Bjençeklə müqavilənin müddətini uzadıb. 

"Report" qurumun rəsmi saytına istinadən xəbər verir ki, yeni sözləşmə 2021-ci ilin sonunadək nəzərdə tutulub. 49 yaşlı mütəxəssis 2022-ci ildə Qətərdə keçiriləcək dünya çempionatının seçmə mərhələsində də komandaya rəhbərlik edəcək. 

Polşa DÇ-2022-yə vəsiqə qazansa, Bjençekin müqaviləsi daha bir il uzanacaq. Bununla belə, polşalı baş məşqçinin sözləşməsinin 2021-ci ilin avqustunda ləğv olunma maddəsi də sənəddə əksini tapıb. 

Qeyd edək ki, Yeji Bjençek Polşa yığmasında 2018-ci ilin iyulundan işləyir. Polşa 2021-ci ildə keçiriləcək AVRO-2020-də çıxış edəcək.